Pa ne vefomp ken
105 👁 1 ★
kinniget d’ar varzhed, va c’henvreudeur
’Benn ur pennadig amzer e tiskennimp, barzhed,
’Lec’h ne vo ken na kanet, na gouelet, na c’hoarzhet :
Taolet hon bec’h a-gostez, levenez pe anken,
Ni ’vo aet da ziskuizhañ, ne vimp ket amañ ken.
Laboused a richano bravoc’h evit biskoazh,[1]
Kleier a vadeziantoù seder a sono c’hoazh ;
Glizh war vleuñv a ziverro takennig ha takenn,
Ni, barzhed, en hon gwele ne glevimp netra ken.
’Us d’hon fenn ar vugale ’c’hoario dibreder,
Tud yaouank a dremeno karantek ha tener,[2]
En hon bez tud glac’haret a c’hoantao diskenn ;
’N hon c’halon-ni, kenvreudeur, netra ne fiñvo ken.
E pep gouel, e pep pardon ’vo kendalc’het atav
Sonadeg ha kaniri, koroll ha jabadao,
Marteze deus hon gwerzioù ’vo kanet c’hoazh zoken ;
Den n’en do soñj ouzhomp-ni, ne vimp ket eno ken.
Met, ma tegouezhfe, siwazh ! da Vreizh bezañ mouget,
Troet e Gall hon mibien hag hon lorc’h e moged,
Kouezhet hon yezh, hon broad en ankoua da viken,
Ni n’hor bo ken da ouelañ… ne vimp ket eno ken.[3]
’Benn ur pennadig amzer e tiskennimp, barzhed,
’Lec’h ne vo ken na kanet, na gouelet, na c’hoarzhet :
Taolet hon bec’h a-gostez, levenez pe anken,
Ni ’vo aet da ziskuizhañ, ne vimp ket amañ ken.
Laboused a richano bravoc’h evit biskoazh,[1]
Kleier a vadeziantoù seder a sono c’hoazh ;
Glizh war vleuñv a ziverro takennig ha takenn,
Ni, barzhed, en hon gwele ne glevimp netra ken.
’Us d’hon fenn ar vugale ’c’hoario dibreder,
Tud yaouank a dremeno karantek ha tener,[2]
En hon bez tud glac’haret a c’hoantao diskenn ;
’N hon c’halon-ni, kenvreudeur, netra ne fiñvo ken.
E pep gouel, e pep pardon ’vo kendalc’het atav
Sonadeg ha kaniri, koroll ha jabadao,
Marteze deus hon gwerzioù ’vo kanet c’hoazh zoken ;
Den n’en do soñj ouzhomp-ni, ne vimp ket eno ken.
Met, ma tegouezhfe, siwazh ! da Vreizh bezañ mouget,
Troet e Gall hon mibien hag hon lorc’h e moged,
Kouezhet hon yezh, hon broad en ankoua da viken,
Ni n’hor bo ken da ouelañ… ne vimp ket eno ken.[3]
[1]Ds :
Laboused a richano kaeroc’h evit biskoazh ;
Kleier ar vad’iantoù en oabl a gano c’hoazh,
[2]Ds Tud yaouank a dremeno karantek ha seder,
[3]Ds Ni ’rankfomp ket da ouelañ… ’vefomp ket aze ken.
Tu lis un texte qui a été écrit en breton, alors n’oublie pas que la littérature bretonne est comme toutes les autres : elle a son propre génie et son propre goût.
Ceux-ci peuvent être très différents de ceux (français, anglais…) dont tu as été imprégné à l’école. La littérature bretonne doit-elle être tenue en piètre estime pour cette raison ?
Aussi, rappelle-toi combien il peut être vain de comparer une littérature à une autre. Prends les textes comme ils sont, bonne lecture, et profites-en bien !
Une idée ? N’hésite PAS à me contacter, quelle qu’elle soit. Bien que je ne sois pas wonderwoman (et qui sait après tout ?), tu pourrais être surpris.e.
Les textes ci-dessus sont tous dans le domaine public selon la loi française (70 ans à compter de la mort de l’auteur), mais fais attention car d’autres lois peuvent étendre le délai de protection.
Sens-toi libre d’utiliser les textes pour quelque fin que ce soit, mais mentionne ce site, s’il te plaît ! Bien sûr, je remercie tous ceux qui me rapportent les erreurs et les imprécisions qui peuvent se glisser.
TU ES ICI :
Toussaint Le Garrec
Pa ne vefomp ken
(Mouezhioù an abardaez noz, 1935)
Gant doare an dornskrid Ms 1990 eus ar bibliothèque des Champs Libres, Rennes.
Lis sur le même thème :
Tu trouveras ci-dessous tous les textes du même livre :
Tu viens de consulter les pages suivantes :